【Now財經台】小鵬汽車(09868)昨日(19日)出咗業績，上季虧損大幅收窄，股價今早(20日)受壓，以暫時低位，低開逾4%，開市報49.6元，依家PUT輪只得短身嘅選擇，相比之下熊證係咪較可取？
瑞銀亞洲股票衍生產品銷售部李梓維指，依家小鵬唔可以再發牛熊證，現時嘅條款都係由以前嘅發行商開出，今朝只有小量資金流入小鵬好倉博反彈。
淡倉方面，佢指出，熊證都係較短身，今年12月底到期，如果短炒冇乜問題，唔使擔心時間值損耗問題。
不過，佢提醒，呢批熊證嘅槓桿只有約2倍，雖然PUT輪引伸波幅好高，但揀較短身都冇問題，如果只係短炒，即係做1至2日部署，熊證或PUT輪都可以考慮，主要睇發行商開價積唔積極。
