【now.com財經】話說今朝起身睇返Whatsapp message，喺其中一個gp裡面見到一張影咗便利店飲品架嘅相，熟悉我嘅朋友就會知道呢張相對我嚟講係十分療癒，(深呼吸)~舒服晒~
恒指今朝開市跌40點後，兩支陽燭向上抽高見倒升，依家9點44分，最高見過19,742點，抽高過後指數有見將升穿收窄，一上一落戰室都有先後爬格，反而係我今日第一注已經High咗嘢，係呀，我梗係會High嘢啦，點會唔會呢?!
10點後見小時圖噚日畫嘅「平頂三角形」仍然健在，指數落到小時圖中軸線後稍見回上，擺位仍然算是處於保歷加上升通道，而Slow STC(14.3)兩線亦見處於中軸水平，稍稍勢頭向下但唔算明顯。
不過，去到10點16分時再見指數一支大陽燭向上抽高，重新將指數由跌轉升，還好作戰室戰友都捉得到路：就係同我做相反...
如戰友所講，可能個天今日要我休息一日，弱到自己今日畫圖拉線都用虛線算啦。
安靜地等睇小時圖個「平頂三角形」穿邊一邊好過，同步望多幾眼嗰張「療癒相」。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
