【now.com財經】噚日揀咗隻恒指牛(60397)出嚟，一直都係等緊Slow STC(14.3)落返去超賣位之後就出動，諗住Swing Trade一趟就算。
誰不知一等就等到上半場11點55分，先知見到Slow STC(14.3)落到去超賣水平，不過唔駛急，去到下半場2點20分都仲見到Slow STC(14.3)喺超賣位。(60397)真係可以施施然碎步出場。
按期內(60397)高低位做過0.052元/0.035元，平均買入價為0.0435元。
不過指數噚日喺下半場見到10線比較大部份嘅時間壓住指數，對於比較早段見Slow STC(14.3)出超賣位就入場嘅不利。
去到3點15分終於都見到Slow STC(14.3)兩線上返超買位，較晏入場嘅借呢個位出貨，一樣用返10分鐘時間嘅話，(60397)期內高低位做過0.043元/0.04元，平均走貨價為0.0415元，呢一趟小輸兩格或4.82%還OK；而如果較早時段入隻(60397)，去到段市見指數都仲上緊嘅話，注碼唔大選擇過夜其實唔係問題，反正日線圖嘅Slow STC(14.3)兩線都有所觸底，博到一個上升裂口出嚟嘅話變返正數即走。
今朝起身天氣明顯清涼咗好多，還好恒指放晴，今朝開市報19,699點，升123點，噚日(60397)有過夜嘅，作戰室都有戰友手執好倉過夜食埋，成今日第一注正數。
望望鐘依家10點10分，聽住老友強少喺前輩范巧嘅YT平台嘅節目，見指數已經升幅縮到得返67點，做緊19,645點，作戰室其實喺開市後見19,750點唔過已經開出淡倉並揸到依家，終於開始有格仔爬。
其實呢條線喺小時圖上都畫得到，仲剛好畫到一個「平頂三角形」出嚟，只不過10線見19591點，其實同現價都只係爭60點左右，免得出完文再睇完之後又已經完成踩線位，一係一口氣上，一係卡住喺個「平頂三角形」裡面。
的確，開咗市接近一個鐘，指數行得都真係比較慢，都真係有少少怕指數會卡住喺個「平頂三角形」裡面。Pick兩隻貼價少少嘅牛熊做一啲極短線Swing Trade：恒指熊(60842)，收回價19,428點，同現價只係得277點距離，所以有成53.3倍槓桿；恒指牛(51254)，收回價19,250點，同現價有約448點距離，槓桿有約36.5倍。
Pick隻貼熊但用隻遠牛嘅原因係：依家10點24分，指數已經將升幅收窄到升55點，報19,628點，怕你睇完之後隻熊證已經變咗遠熊，遠牛相對地變成近牛，捉得到Slow STC(14.3)轉向上或者小時圖10/20線接得住嘅，都叫做有隻近少少牛用下嘛。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
