【Now財經台】新股市場熱鬧返，今年陸續有焦點新股上市，雖然新股首掛表現「忽冷忽熱」，但冇影響散戶入飛意欲，其中，好多散戶睇實嘅順豐控股(06936)今日(19日)開始招股，周五(22日)截飛，入場費就少少貴，要7333元一手，股份預期下星期二(27日)首日掛牌。
順豐今次引入咗10名基石投資者，認購金額近16億元，呢班基投都有份量，包括小米集團(01810)、中國太保(02601)、信和置業(00083)及摩根士丹利等。
以順豐嘅品牌，估計認購反應都會唔錯，至於首掛可唔可以打響頭炮，除咗自身因素，始終都要睇市況，港股近期走勢都幾飄忽，亦受內地及外圍因素影響，諗住入飛嘅投資者都要留意住。
