【Now財經台】日圓今日(18日)一度低見155.1日圓兌1美元，主要受日本央行行長植田和男最新言論拖累，佢重申調整貨幣政策要取決於經濟及通脹，市場認為植田和男冇放鷹，日圓係咪會繼續偏弱？
ATFX亞太區首席分析師林銘添指，日圓暫時冇回升條件，整體仍繼續偏弱，自從特朗普 (Donald Trump) 當選下任美國總統後，市場對美元好有信心，加上美國聯儲局減息步伐開始放慢，令日圓持續有下行壓力，雖然植田和男話貨幣政策要睇日本經濟及通脹數據，但即使當地通脹升溫，通脹仍然溫和，未必有足夠條件加息。
Martin又話，日圓暫時較難大升，並喺152至153水平會有支持，若美元兌日圓升穿156水平，158水平將會係關鍵阻力。
