【Now財經台】港股今日(18日)扭轉連跌6個交易日嘅劣勢，恒生指數彈逾百點，不過，細價股就爆集體跳水潮，當中包括宜搜科技(02550)。
宜搜科技股價今朝平開，不久已插水，午後喺大成交下，股價跳崖式急挫，尾市一度低見15.46元，急瀉逾67%，收市報15.94元，仍重挫逾66%，成交金額逾1.5億元。
宜搜科技禁售股嘅半年禁售期，將會喺12月6日屆滿，值得留意係，上周四(14日)有一批總數約3458萬股，由招銀國際持有嘅股份存咗入CCASS，令人聯想到股東可能正部署沽貨，即使大股東頭半年唔沽，不過單計上市前投資者及現有股東，加埋有近60%股份可以喺「解禁」後沽貨，睇嚟沽壓都好難消退。
