【now.com財經】天文台一早講過呢個11月會出現「四颱聯播」：完咗個「銀杏」之後，上個星期先送走咗「桃芝」，今日已經準備定「萬宜」，仲有個「天兔」嚟緊，或者應該要學識習慣11月係會打風。
今朝恒指開市升169點，開市報19,595點。呢口開市價無乜特別，不過喺五分鐘圖上見Slow STC(14.3)兩線於超賣位剛好出觸底向上，作戰室今日第一注熱身注出好倉先，5分鐘唔駛已經先爬格仔一趟；再唔駛15分鐘，反手淡倉都已經做埋。
換個小時圖見，依家9點46分，指數目前只係得條上影線穿過中軸， Slow STC(14.3)目前數值上重新再見%K線低走於%D線，本身喺呢度諗位出淡倉借小時圖20線唔過，向下落望返住條10線嘅，但喺9點48分已經到線...um...今次我真係愛莫能助。
10點未到指數重新爬返上去19,600點之後：再高走上19,700點樓上，小時圖20線重新再守返上去，Slow STC(14.3)兩線向上亦表現堅挺。
恒指牛(60397)，收回價19,250點，同現價有約320點距離，算是近近地所以Day Trade用；亦因為近所以槓桿有約52.9倍。
不過依家五分鐘圖上見Slow STC(14.3)靠住保歷加通道口拓闊而Keep住上，小心一陣保歷加通道底線向上之後，Slow STC(14.3)同指數就會見觸頂向下，不利出好倉。進取嘅借住啲平均線或19,700點企穩先至出隻(60397)可以；安全嘅咪用返Slow STC(14.3)Swing Trade方法：超賣位時先至出好倉囉。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
