【Now財經台】昨日(14日)澳洲最新就業數據差過預期，市場估計，新職位增加2.5萬份，結果只增加逾1萬份，更同9月嘅6.1萬份相差好遠，數據出爐後，澳元曾跌至0.6430水平，澳洲央行現時有冇減息壓力未？
獨立外匯商品分析師盧楚仁指，澳洲現時有減息壓力，澳元初時較硬淨，但現時經濟環境較差，通脹數據回落，所以市場都覺得澳州央行會步紐西蘭央行後塵，步入減息周期。
Jasper續指，澳元短線將向0.6350水平進發，唔排除呢個位會有少少支持，但隨著明年步入減息周期，喺沽盤湧現下，澳元或見0.6水平。
