【股市脈搏】珩灣科技發盈喜股價插水衰乜？

【Now財經台】珩灣科技(01523)股價今日(15日)低開逾2%後，跌幅一度擴大至近16%，低見4.42元，成交股數較過去100日同時段平均大增7倍。

集團昨日(14日)發盈喜，預告首10個月最少多賺10%，主要受惠於主要產品路由器銷量及其他新連接產品貢獻增加，以及淨利潤率提升。不過，由於今年盈利增長有可能放慢，市場有機會唔收貨，導致今日股價受壓。

股價方面，珩灣科技跌穿50天線後有買盤吸納，想等業績嘅投資者要留意，公司年結喺12月底，所以全年成績表要等到明年2月先會派發。