【Now財經台】網易(09999)第3季少賺16%，有大行指，網易季績表現符預期，但遊戲業務表現好過預期，帶動股價今早(15日)一度抽升逾13%，網易業績後窩輪有咩變化？
星展香港環球金融市場上市產品策略師鍾宛婷指，網易引伸波幅今朝落返少少，但變化唔算太大。業績方面。受去年同期高基數影響，導致上季業績比較差，但股價今朝仍大升，主要係市場憧憬公司第4季業績表現將會較好，原因係新遊戲會喺12月上市，加上管理層對拓展海外市場有信心。
Kathrin又指，由於冇人夠膽博網易業績，所以今日資金食糊嘅情況唔多，反而有投資者想入場，如果想吼位做睇好部署，博網易股價繼續向上突破，不妨留意行使價約175元，明年2月底至3月到期嘅輪證，槓桿做到6倍，輪價約0.1元。
