【股市脈搏】趁醫渡價殘炒作業績有風險

【Now財經台】內地大型醫療大數據技術及人工智能(AI)解決方案供應商醫渡科技(02158)，股價今早(14日)輕微高開後，有資金追入，股價一度升近9%，高見6.23元，但之後走勢逆轉。

醫渡股價上到6元後，獲利壓力好大，股價周一(11日)曾突然抽升逾30%，翌日(12日)一度高見6.42元，衝上近年半高位，但隨即以陰燭回落，今日再挑戰6元關口，但又係衝高回落格局，加上成交同股價唔配合，如果想借股價低殘炒作業績，風險都唔細，投資者都要小心。