【Now財經台】內地物流龍頭順豐控股近日已通過聯交所上市聆訊，市傳集團計劃今個星期啟動上市前預路演，今次在港上市集資10億至15億美元，折合最多117億港元，2017年已經喺內地上市嘅順豐，今次嚟香港掛牌有咩盤算？
《香港股票財技密碼》作者梁杰文認為，內地物流企業以至整個行業嘅競爭都好激烈，即使順豐服務好、價錢平，都冇可能撼贏菜鳥及京東物流(02618)等同業，Mike認為，由於內地出現惡性競爭，順豐今次來港上市集資，得到國際認受性之餘，又可以借香港拓展歐美市場，將來甚至有機會挑戰全球物流龍頭地位。
