【Now財經台】中芯國際(00981)股價連升3個交易日後，今朝(11日)高開近5%，有消息指，台積電(TSMC)應美國要求停止向內地供應先進人工智能(AI)晶片。今朝嘅熱門CALL普遍較長身，百幾至200幾日後到期，價外30%至35%，但槓桿只得2倍。至於較活躍嘅牛證，收回價擺介乎24至25元，槓桿4倍，牛證會唔會較值博？
滙豐亞太區財富管理香港上市產品銷售經理盧貴良指，中芯今朝逆市升，之前出嘅業績都唔錯，如果擔心引伸波幅持續回落，可以考慮用牛證做好倉部署，例如收回價24元，呢個係中芯股價過去1個月低位，可以用呢個位做止蝕位，實際槓桿有5倍，牛證勝在冇時間耗損，引伸波幅風險亦較可控。
