【now.com財經】美國新一屆總統寶座再次由Donald Trump坐上，隔晚美股大飆逾千點，特朗普概念股全線造好，Tesla(TSLA)升14%算事少，同BTC相關嘅Coinbase(COIN)升三成都未算吸睛，最正嘅係Trump Media(DJT)飆高35%之後Chok到肺都甩，開市無耐就已經三度觸發溶斷，不過收市計佢都仲著住盞綠燈。
大選過後，就到美聯儲局一連兩日舉行議息會議，由於Donald Trump歸位，市場對Fed再減息嘅期望大幅收窄，更有不少大行預期出年Fed減息次數將會減少，怪不得依家U盤行緊時見期貨跌緊163點啦。
及到9點20分，恒指開跌152點，報20,386點，作戰室都Plan定出淡倉博指數再向下行，不過喺開市後見指數出低開高走咬返住20,400點樓上，轉身快嘅戰友率先食淡倉，而安全嘅就等緊20,400點呢個位係咪企得穩先至再出倉。
少少估唔到指數今日玩低開高走，開市15分鐘後指數喺五分鐘圖上反方向爬返上堆平均線，而小時圖亦見今日暫時低位20,370點同噚日第三支燭嘅低位都係一樣，隔咁遠更係唔係平底啦，但都算叫做畫到條底線。
10點未到作戰室變陣好倉兼有戰室先數正數落袋，只不過係Slow STC(14.3)兩線向下，未確認轉勢。
假如到出文你睇完之後，小時圖已經確認到Slow STC(14.3)出轉向，或者五分鐘圖仍然見指數守好保歷加中軸，小注好倉一試指數今日低開高走嘅動力。
恒指牛(59259)，收回價20,060點，同現價有約453點距離，企遠啲安全啲，槓桿有約38.6倍，亦都係一隻低街貨嘅牛證。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
