【Now財經台】受惠於美國聯儲局減息及內地推出救市措施，基本金屬連升兩個月後，基本金屬價格喺10月普遍回套，只有鋁價企得較穩，係咪因為預期供應收緊？內地今個月初會召開人大常委會第12次會議，而10月嘅經濟數據亦會陸續出爐，鋁價係咪最值博？
MAX Online亞太區業務總監杜浩霆表示，基本金屬之中最睇好鋁，因為新能源產品如電動車、太陽能板都會用鋁，需求只會不斷增加。
供應方面，Perry又話，鋁供應非常緊張，因為全球最大鋁供應國澳洲收緊產量，加上有非洲國家下出口禁令，令內地鋁庫存喺過去數月大跌20%，短期會對鋁價有支持，不過，依家鋁價已經好近頂部，會唔會出現突破就要留意人大常委會會議。
