【Now財經台】金價今年不斷破頂，世界黃金協會(WGC)嘅季度報告指，今年第3季全球黃金需求達1045億美元，按年增長35%，金價升嘅同時需求又增加，到底受咩因素帶動？
艾德金融投資策略總監文錦輝指，黃金需求增加有好多因素，首先係地緣政治緊張令避險情緒升溫，繼而帶動黃金需求。美國因俄烏戰事宣布禁止俄羅斯部分銀行，使用環球銀行金融電訊協會(SWIFT)國際結算系統後，引起環球央行憂慮，導致環球央行紛紛減少美元配置，轉投黃金，繼而推高金價。
Felix又話，黃金需求大嘅印度下調入口稅，刺激印度整體黃金入口急升。此外，最近多咗投資者買交易所買賣基金(ETF)，亦令ETF增持嘅黃金數量多咗。
