【Now財經台】截至早上11時止，1小時內《彭博》用戶搜尋量最多港股，依次為石藥集團(01093)、中遠海控(01919)、信達生物(01801)、路勁基建(01098)及長城汽車(02333)。
市傳長汽發可換股債(CB)，集資最多10億美元，若消息屬實，就籌近78億港元，相等於依家市值逾25%，攤薄效應都幾大，不過，股價今朝(1日)先跌後回升，應該點解讀市場嘅反應？真係咁快消化咗呢個消息，還是暫時都覺得唔太可信？
大華繼顯執行董事梁偉源指，其實今朝車股普遍都係先跌後回升，近期因為歐盟關稅事件令車股調整咗唔少，股價落到現水平開始吸引資金撈底，長汽方面，由於市傳發CB嘅規模唔細，依家亦唔知換股價，係一個比較大嘅隱憂，因此，即使成個汽車板塊反彈，長汽反彈幅度都好難跟得上。
