【Now財經台】宋都服務(09608)係今日(31日)升幅較顯著其中1隻個股，股價今早高開逾15%後，升幅一度急速擴大至逾90%，高見0.198元，衝上近4個月高位，其後升勢回順，成交股數逾1680萬股，較過去100日同時段平均大增31倍。
宋都服務擬以每股0.0833元，較昨日(30日)收市價折讓近20%，配股予第3方，淨集資約6250萬元。
集團股價7月初復牌後，一直冇起色，9月底內地炒作政策憧憬，但宋都服務股價仍彈唔起，不過，今日借配股消息大幅炒上，但100天線得而復失，後市仍要觀望配股可唔可以順利進行。
