【Now財經台】截至早上11時止，1小時內《彭博》用戶搜尋量最多港股，依次為比亞迪股份(01211)、小米集團(01810)、中國海洋石油(00883)、信達生物(01801)及中遠海控(01919)。
比亞迪第3季業績對辦，盈利增長11%，收入則增長24%，季度收入更加首度超越Tesla，不過，業績後股價要跌，一度挫逾5%，低見278.6元，係咪因為業績欠驚喜？還是繼續受歐盟關稅困擾？
椽盛資本投資總監曾永堅指，內地電動車企續受歐洲關稅爭議影響，因為市場擔心有其他地區仿效，加上保護主義抬頭，令新能源車廠未來出口遇阻。佢又指，投資者期望內地新能源車出口會錄得盈利，比亞迪估值難免受影響，預期市盈率(PE)介乎約21至22倍，集團上季業績對辦，毛利率亦有得升，季度收入更超越Tesla，對比亞迪嚟講肯定係正面訊息。
Jaseper又話，Tesla喺智能駕駛發展方面，市場嘅樂觀預期較比亞迪大，呢個因素會影響比亞迪股價。
