【Now財經台】外型獨特的中環甲級商廈The Henderson，已於近期正式落成啟用。
恒基地產地產策劃(二)部高級副總經理吳樹強說:「建築係一個文化載體，建築可反映城市的文化及特徵，所以我哋採用香港市花洋紫荊，一個含苞待放嘅形態作為設計靈感，希望用一個新項目，為我哋21世紀呢個時代建立一個新地標。」
超過4000塊、逾千種弧度的玻璃形成「花瓣」，在被譽為本地建築界奧斯卡的優質建築大獎，獲得兩項大獎，位於中環美利道的甲級商廈The Henderson，由國際知名的扎哈．哈迪德建築事務所(Zaha Hadid Architects)設計，承襲「曲線女王」的前衛線條風格。
吳樹強說:「呢個項目喺10十年前係起唔到，當時冇咁嘅設備及技術，但點解我哋都刻意去做？大家都記得2018年9月有個超強颱風『山竹』，呢啲曲線大廈除咗美學需要外，其實喺結構及韌性係好有幫助。」
大廈樓高36層，在6條支柱及側面核心鋼結構支撐下，塑造出獨特的「懸浮」形態。
室內亦呼應洋紫荊設計靈感，地下及3樓大堂的「花萼」牆身，用了逾20000塊菱形鋁片拼砌而成。
此外，位於大廈頂層，全港最高的玻璃天幕宴會廳，飽覽廣闊天際及城市景色。
The Henderson融入不少可持續發展元素，包括專利技術太陽能幕牆降溫裝置。
恒基地產地產策劃(二)部副策劃經理楊東寧說:「喺幕牆底部，我哋裝咗好多低頻風扇，可以唔使開咁勁嘅冷氣，做到減碳嘅效果。」
自興建以來，大廈的獨特外型引來不同評價，設計團隊就這樣看。
吳樹強說:「一般有名嘅建築物都有個花名，我覺得係好正常，每個人睇法唔一樣，尤其是藝術創作，每個人感覺唔一樣，但都係市民大眾一個新焦點。」
