【Now財經台】喜相逢集團(02473)股價連升11個交易日後，今日(30日)低開1%，但好快已掉頭向上，尾市升幅顥著擴大，一度高見17.88元，升9%，收市報17.8元，創新高，成交股數近90萬股，成交金額逾1500萬元。
喜相逢曾經喺新三板上市，其後轉戰港股，遞咗7次申請，去年11月終於成功登陸港股，相隔1年，禁售股快將解禁。不過，據中央結算系統(CCASS)顯示，今個月10月10日有約6300萬股經招銀國際證券轉入，意味這一批股份將部署買賣。
喜相逢11連升後，RSI已升至90以上嘅嚴重超買水平，以上市價1.1元計，已累升逾1500倍，集團業績唔靚，加上有減持陰霾，以及成交開始縮水，後市有一定回套風險。
