【Now財經台】美國大選進入倒數階段 ，「Trump Trade」及避險情緒高漲，金價今日(30日)下午又破頂，並愈升愈有，高見每盎司2789美元，反而比特幣(Bitcoin)要再破頂有啲阻力，逼近3月歷史高位後，又落返去，Bitcoin同黃金邊樣更值博？
環球期貨交易所客席講師鍾俊鏘指，Bitcoin價格及金價近期都做得唔錯，加上距離大選愈來愈近，同Bitcoin炒上嘅關係非常密切，短線回調嘅幅度及風險都高過黃金，大選結果一日未出爐，Bitcoin及金價仲有得升，暫時睇嚟金價較Bitcoin值博。
