【now.com財經】記得早排有推過隻SPDR金ETF(02840)，借小時圖10線一直Trade上去，不過由於揸Call嘅關係，所以見有食就食。
依家9點13分，趁恒指未開市就八下啲個股，之前低走失中軸後，原來已經慢慢上返之前沽Call嘅水平，今日仲見U盤有似出裂口上到1,990元，日線圖見借條10線亦都借得好靚，同時五條平均線順序排列，可能臨近美國大選，啲錢又泊返入去啲金裡面避一避先。
再睇埋個牛熊證街貨圖，牛熊嘅重貨區分別企於19,900至19,999點同埋21,000至21,099點，明顯Lock住咗20,000至20,999點呢1,000點範圍內炒上落；逢適港股同港股又業績期，部份個股有被炒起，啱呀，炒股唔炒市。
今日期結日，恒指今朝開市跌114點，報20,586點，不過開市後第一棍真係嚇親，一度向上抽高至跌幅30零點，及至依家9點43分，指數重新向下，作戰室小注淡倉出動試一試佢虛實。10點未到已經等睇第一層牛證街貨20,500至20,599點被收回，但係，以截至9點54分止，恒指低位係20,500.64點，就係嗰0.64點保住依家收回價20,500點嘅牛證。
跟手再一棍抽高抽反上去20,600點樓上，作戰室都有戰友先淡後好追得到指數，但坦白講咁追法真心好攰；唔係怕做Swing Trade，只係有時Chok得太快，掣都未撳完就變咗樣，所以呢頭買完下一秒set定走貨盤係無錯架，由得佢自動hit好過。
10點打後見小時圖條50線真係有啲計，幾日唔失真係比較少見，但可惜嘅係上面同樣有唔少平均線喺度，借線同線之間出倉的話，位實在太窄，轉身要好快，作戰室就啱玩，但喺呢度就唔係太適合啦。
望下地球嘅另一端，今晚Meta(META)將會公布業績，有個「傳統」係大選年嘅時侯，online廣告特別多，要宣傳嘛，所以對於比較靠online廣告收入嘅公司嚟講都可以秤先。
冷吼Meta Call(10440)，行使價700元，同現價有約17.99%價外距離，槓桿有約4.37倍，雖然有另一隻嘅槓桿係高啲，但由於係極度冷門嘢嚟嘅，所以都係揀返隻貼價貨好啲。
未完過美指輪？一樣架咋，擔心嘅用Paper Trade學下先。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
