【Now財經台】今日(28日)有多隻內房、物管股復牌，包括力高集團(01622)、力高健康生活(02370)、新明中國(02699)，係咪同中央不斷出招撐內房，令呢啲公司銷售及經營回暖，繼而符合到復牌條件有關？力高及力高健康今日復牌股大冧，但新明一度狂飆3倍，呢幾隻股份買唔買得過？
《香港股票財技密碼》作者梁杰文認為，除咗刺激樓市措施，市場對股市重拾信心都係原因之一，早前，港股成交一度高達4000億元，雖然近期回落，但仍有近2000億元，市場見到港股仲有一定成交，A股又反彈，對股市嘅憧憬就返嚟，唔排除投資者會借助現時嘅投資氣氛，進行集資或融資以解決資金鏈困難。
Mike又話，新明中國股價彈高，係因為停牌前經歷大跌，由於公司市值細，就吸引資金流入博反彈。佢續指，如果諗住短炒，就未必需要睇基本面，相反，若打算長揸，建議留意返公司管理層質素，因為有可能影響財務狀況或管治。
