【Now財經台】人工智能(AI)概念股創新奇智(02121)股價今早(28日)高開近15%後，升幅一度擴大至近28%，高位見5.67元，但升幅都好快收窄，但仍維持雙位數升幅，成交股數逾3400萬股，較過去100日同時段平均增逾9倍。
集團上周五(25日)出通告，指會用自有資金做回購，規模唔超過1億元，又話希望展示對業務及前景嘅信心，又為股東創造價值。
今次係公司自2022年上市以來，第2次做回購，但對上一次做回購對股價起唔到太大作用，可能同公司基本面有少少關係。創新智奇主力做企業級AI大模型，但到依家仲蝕緊錢錢，唯一亮點可能係公司揸住逾13億元現金。
集團股價今日重上20天線，但250天線，即6元水平阻力都唔細。
