【Now財經台】小米集團(01810)將於明日(29日)舉辦小米15系列手機發布會，董事長雷軍話，小米15將會加價，集團股價近期呈上升趨勢，今朝(28日)高開逾1%後，升幅曾輕微擴大，但之後掉頭向下。小米好倉最少連續5個交易日有資金流入，合共有2100萬元坐貨，股價今朝反覆向下，資金取向有冇變？
滙豐亞太區財富管理香港上市產品銷售經理盧貴良指，小米股價近期強勢，逼近3年高位，若以今年低位計，股價已反彈約1倍，小米CALL輪條款方面，行使價30元，明年4月及6月到期都有，如果到期日較短，槓桿就會高啲，如果明年4月到期，槓桿可以做到5倍。
佢又話，如果想槓桿高啲可以考慮牛證，例如收回價24元，同現價距離約7%，實際槓桿約10倍。
