【now.com財經】嚟到10月最後一個星期，星期三(30日)就即係期結日，恒指呢兩個星期高位回到20天線之後，都見指數波幅縮返細，Hea住喺大約20,500點呢個位未見有異動，所以作戰室由9月中至10月初玩完大單邊策略之後，到依家轉返用Swing Trade策略，三個星期到啦，已經開始又熟習返Swing Trade玩法，唔知幾時又飆過。
今朝恒指微升2點開市，唉，天氣轉涼留返氣暖下肚算。指數向下作戰室淡倉相繼掟出，10點未到已經撈返上嚟，嘿，真係快過淥響鈴。
換小時圖見指數今日比較Kick，Kick嘅位在於有成4條平均線擺位相若，而今朝首半小時指數剛好卡住喺線裡面，換保歷加通道見係「輕鬆」啲嘅，因為都好清楚見到指數係被條中軸線頂住啫。
10點前喺五分鐘圖上見低位「錘頭」，作戰室又山窩蜂嘅好倉出動，到依家10點8分見指數已經上返去今朝開市位，一朝早用咗40分鐘到行一個「V型」走勢出嚟，先淡後好兩邊Swing Trade兼爬格仔完成。
依家10點22分，借個小時圖再睇的話，見指數仍然卡住喺嗰4條平均線裡面，Slow STC(14.3)兩線未到超賣位已經又反返上去，如果呢啲位出好倉的話，咁即係要向上企住至少喺中軸以上位置。
恒指牛(57077)，收回價20,200點，同現價有約380點，槓桿有約44.7倍就係貪佢槓桿夠高，所以忍一忍佢11.9%嘅街貨(Day Trade的話呢個街貨量唔怕嘅)，依家10點25分，其實係五分鐘圖上已經見到Slow STC(14.3)兩線上到超買兼出緊觸頂向下架啦，但啱嘅，就係等出文完之後再到你睇完嘅時侯，依家行緊嘅觸頂向下係咪已經完成咗，而如果完成咗嘅話，咁可以再稍等出觸底訊號出現時，咁(57077)就出得啦。
簡單嚟講，今日都係玩Swing Trade啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
