【Now財經台】中芯國際(00981)股價連跌兩日後反彈，今早(25日)暫時喺29元水平上落。中芯價外CALL選擇唔多，較受歡迎係價外40%，行使價約40元，明年中到期，但槓桿只得2倍，揀正股會唔會更好？
星展香港環球金融市場上市產品主管周國威指，對於波幅較窄嘅產品，價外40%的確係較遠，但對於唔係長炒嘅中芯，只要有行情推動，可以好快就炒起。中芯今輪升勢由9月底約17元起步，短短兩星期就升過上35元，大升1倍，所以價外40%對中芯嚟講唔算遠，所以價外CALL值得考慮。
佢又話，現時市場上值得考慮嘅中芯價外CALL，到期日大部分都接近半年，甚至更長，所以投資者要小心考慮條款，進取嘅投資者唔介意較價外，可以考慮行使價約68元，槓桿有約3倍。
