【Now財經台】美國原油庫存爆冷上升，加上拜登政府再推動中東實現停火，紐約期油昨晚(23日)險守每桶70美元關，最新已回穩，但仍受制於72美元。據美國聯儲局最新公布嘅《褐皮書》顯示，當地經濟疲弱，呢啲因素係咪令油價乏力？
環球期貨交易所客席講師鍾俊鏘指，據美國能源資訊署(EIA)數據顯示，最近3次公布嘅庫存數據都係大跌，對應返紐約期油價格，反而係見頂訊號，油價受制於經濟及地緣政治因素，由過往單邊走勢轉為區間上落格局，庫存數據反映高沽低揸嘅取態，多過長期供需指標。
佢又話，睇返技術走勢，唔會睇淡油價，呢幾日反覆試72美元阻力，若紐油上破72美元，有力挑戰10月9日油價下跌起步點，即76美元。
