【Now財經台】威勝控股(03393)股價今日(23日)由頭跌到尾，午後跌幅顯著擴大，最多跌逾7%，成交股數逾570萬股，較過去100日同時段平均增1倍。
公司中午出通告，公布旗下喺內地科創板上市嘅威勝信息首3季業績，收入按年增長近17%，純利則增長近22%，表現似乎唔錯，但如果拆開睇，第3季收入按年增長10%，較第2季嘅31%顯著放緩，盈利更按季跌11%，按年就跌至不足10%，表現係兩年以來最差。
威勝股價今日一舉失守10天、20天、50天線，下方只剩返250天線，即5元水平，要留意短期守唔守得住，不過，公司過往都唔會公布季度業績，因此，可能要等全年業績先知影響有幾大。
