【Now財經台】Sony PS5及Nintendo Switch遊戲銷量唔掂？
據外媒報道，任天堂嘅Switch開售至今已踏入第8年，睇返今年4月至9月，日本嘅本土銷量大跌逾30%，今年埋單計，預期銷量會跌14%，任天堂社長今年5月話，新Switch會喺今年內發表，睇下到時會唔會再爆搶機潮。
截至今日(23日)止，任天堂股價表現明顯好過Sony，今年暫時累升逾12%，股價處於8078日圓水平。
至於PS5遊戲機喺日本嘅本土銷售更差，按年要「腰斬」，其實今年1月開始，銷售已跌咗19%，之後一直止唔到跌，今年4月至9月跌幅一直keep住有40%至60%。
報道話，PS5銷量不斷萎縮主要有兩大「死因」，就係冇熱爆嘅Game及加價。
PS5開售至今就快進入第4年，以遊戲機產品周期係6至7年計，PS5已步入「黃昏」，未來要睇Sony有冇板斧令PS5起死回生。
截至今日(23日)止，Sony股價今年仍有得升，但只係微升2%，股價處於2674日圓水平。
