【Now財經台】奢侈品牌生意繼續難做?繼之前傳出包括LVMH旗下Tiffany要將上海旗艦店面積勁縮50%,又要求業主減租後,據內媒最新報道,CHANEL計劃喺內地大裁員,又暫停請人,調整擴張步伐,應對市場變化,報道又指,裁員層面幾乎「乜都有份」,涉及前線員工及行政人員等,個別部門更可能炒一半人。
CHANEL內地相關負責人有回應,指暫時冇收到呢啲資訊,又話集團同有上市嘅公司唔同,情況亦一直好穩定。
此外,CHANEL將會喺11月5日喺香港嘅知專設計學院,舉行2025年早春復刻Fashion Show,出席嘉賓星光熠熠,包括南韓天團BIGBANG成員GD、Black Pink成員Jennie等,即使CHANEL真係喺內地大裁員,相信都唔會影響呢場Fashion Show。