【Now財經台】國際金價上周五(18日)突破每盎司2700美元後，愈升愈有，今日(21日)繼續破頂，一度高見2736.19美元，除咗Trump Trade外仲有多個因素，就係中東局勢又轉趨緊張，以色列反擊黎巴嫩真主黨部分金融機構，又開會討論報復伊朗嘅計劃，伊朗最新亦宣布哈馬斯會選出新領導人兼行動升級，呢啲因素都令避險需求增加，金價係咪可以繼續破頂？
獨立外匯商品分析師譚家康表示，金價非常受地緣政治影響，依家中東局勢非常緊張，以色列反擊黎巴嫩真主黨，就算哈馬斯選出新領導人，以色列及伊朗嘅情況都會繼續惡化，帶動金價持續向上。
Pierce又話，睇返金價今年走勢，每當發生地緣政治事件，金價就會破頂，但之後又會回調，並會喺阻力位橫行一段時間，直至下一次攻勢，佢建議，投資者等金價回落至2700美元先入場，依家追入好易「摸頂」。
