【Now財經台】截至早上11時止，1小時內《彭博》用戶搜尋量最多港股，依次為紫金礦業(02899)、中國中藥(00570)、中國石油化工股份(00386)、聯想集團(00992)及中國移動(00941)。
金價破頂，維持每盎司2700美元水平，上周五(18日)公布業績，第3季純利92.7億人仔，增長58%，若撇除10億人仔投資公允值變動收入，核心稅後利潤按年升50％，按季跌10％，摩根大通指符合預期，雖然上季金價表現較差，但近期回勇，甚至破頂，可唔可以帶挈紫金股價挑戰前高位？
富昌證券聯席董事譚朗蔚指，因為美國聯儲局上月大手減息，估計流動性會比之前寬鬆，利好金價及加密貨幣，預期金價會繼續震盪及破頂，但用金礦股追金價唔係一個明智嘅做法，若投資者想部署金價，可以選擇用SPDR金ETF(02640)，因為比較貼價。
Stevan續指，銅價受內地經濟影響，依家工業需求仍然不振，佢估計，紫金股價好難升穿5月高位，即19.7元。
