【Now財經台】國家衛健委今日(17日)發布《肥胖症診療指南》，係國家首個肥胖多學科診療嘅權威指南，呢個《指南》更炒起一眾減肥藥概念股炒起，包括來凱醫藥(02105)，公司昨日(16日)剛出咗新聞稿，指集團自主研發嘅減肥藥喺內地開展嘅1期臨牀試驗中取得重大進展，但距離商業化仍好遙遠，由於仲未有藥物成功商業化，集團上半年蝕約1.4億人仔。
今年4月公司有減肥藥獲美國藥監局(FDA)批准做臨床試驗，當日股價抽升65%，但之後無以為繼，今日即市高位8.41元同當日高位差唔多，要留意係咪炒一轉又沉過，相信要見到產品成功商業化，股價先有機會上返水面，即12.41元嘅IPO價。
