【Now財經台】截至早上11時止，1小時內《彭博》用戶搜尋量最多港股，依次為融創中國(01918)、中國恒大(03333)、聯想集團(00992)、比亞迪股份(01211)及萬科企業(02202)。
融創以先舊後新方式配股，涉及4.89億股，配股價2.465元，較昨日(16日)收市價折讓19.97%，集資淨額11.92億元，主要用於支持境內公司債長期解決方案落地。融創股價昨日抽升40%，但今早(17日)急瀉，並插穿配股價，考驗20天線，點睇融創今次嘅配股？
紅蟻資本投資總監李澤銘指，融創失守配股價主要受配股消息及住建部記者會影響，雖然股價之前曾經上返5元樓上，但只係曇花一現，股價長期於1元水平徘徊，之前趁大市反彈及內地推出救市政策，融創股價就彈上2元以上，繼而趁機配股，相信對公司嚟講係一個唔錯嘅結果，有助化解部分債務之餘，亦可以帶嚟更多現金流。
