【Now財經台】英國消費物價指數(CPI) 按年升增放緩至1.7%，遜預期，並跌至3年低位，數據公布後，英鎊跌穿1.3水平，英國似乎更有減息急切性，今次係咪非減不可？
東亞銀行財富管理部高級投資策略師黃燕娥相信，英倫銀行會跟隨美國聯儲局繼續減息，依家英國通脹已達至到央行目標水平，所以有較大空間減息，不過，減息步伐快慢，始終要視乎當地經濟情況，通脹回落只係提供咗條件。
佢又話，英倫銀行好大機會喺11月或12月減息0.25厘，市場對呢個減息意向明顯有反應，依家英鎊走勢唔錯，加上經濟面有改善，建議投資者留意1.29水平，可以做分段吸納。
