【會點搞？】香港要搞低空經濟 用無人機送外賣都得？

【Now財經台】新一份《施政報告》今朝(16日)出爐，市場焦點普遍都落喺樓市、金融及民生政策，其實都有個新搞作幾有趣，就係發展低空經濟，當局會成立「發展低空經濟工作組」，據政府消息人士話，所謂低空經濟，係指會喺1000米以下空域進行嘅經活動，包括有人及冇人駕駛嘅無人機等，而明年第1季會推沙盒試點項目。

聽到低空經濟呢個字眼，第一時間就諗起美團(03690)用無人機送外賣，政府有冇呢個打算呢？消息人士話，會盡量試，愈多愈好，又話應該由業界出錢搞。