【Now財經台】內地樽裝水怡寶等飲品品牌母公司華潤飲料(02460)今日(15日)開始招股，近日港股市況轉差或影響華潤飲料招股反應，加上內需股今日(15日)係跌市重災區，到底華潤飲料抽唔抽得過？還是揀返行業龍頭農夫山泉(09633)？
信達國際研究部董事趙晞文認為，抽唔抽可以睇下國際配售反應，以及公開招股情況，若最終以接近招股價下限定價都係好事，因為華潤飲料估值其實唔算平。
晞文提醒，短期唔好對內需及零售市道有太大期望，但從中線角度睇，華潤飲料仍值得認購，原因係預期零售市道未來會慢慢改善。此外，係從資本市場角度睇，華潤飲料有機會被納入國際指數，甚至納入滬港通南下渠道。
至於同農夫山泉相比，晞文指，華潤飲料估值較農夫山泉有約10%折讓，所以單睇估值，華潤飲料出現蟹貨嘅機會較低，所以比農夫山泉可取。
