【Now財經台】台積電將於周四(17日)公布第3季業績，集團上周已搶閘「預告」營業額按年增長39%，高過市場預期上限，毛利率維持50%以上，台積電盈利係咪有機會好過預期？台積電股價今年累升76%，如果現價追入，仲有幾多水位？
獨立市場策略師陳俊文指，雖然台積電已披露咗營業額，市場亦大概知道毛利率喺咩水平，但台積電始終只係製造商，所以佢估計盈利僅高過預期1%至3%，唔會有太大驚喜。不過，營業額增長39%，反映集團可受惠於人工智能(AI)晶片嘅需求急增。
Norman續指，台積電市盈率(PE)過往介乎10至20倍，但今年升至24倍，佢預期，每股盈利44元台幣，盈利增長就維持25%，股價方面，台積電美國預託證券(ADR)有機會上試210美元水平。
