【Now財經台】本港零售業生意一直冇乜起色，連零售管理協會都要出聲呼籲業主減租，希望可以救救佢哋，但似乎都冇乜回應，就連有實力嘅中資都要縮舖，甚至全面退場，近排有華潤堂宣布全線冚旗，U購就再削分店。
至於近日另一個「焦點」肯定係實惠，公司喺網上出Post，一句「多謝各位 多年支持」，惹嚟全城熱議，估係咪輪到實惠「摺埋」，謎底終於揭開。
實惠話，網上嗰個「多謝各位 多年支持」Post，係指昨日(14日)係周年大減價最後一日，今日開始就會以新價發售，所以出Post多謝顧客支持。
網民又點睇？「減完價先宣傳？唔係減價前做宣傳咩...」、「如果呢啲幽默style由Ikea小編做就係靚抽」、「全港炒晒車」、「但已成功引起關注」。
