【Now財經台】十月稻田(09676)股價已連跌3個交易日，今日(14日)以全日高位，高開近2%後，好快就轉跌，最多瀉36%，低見7.79元，創上市新低，成交股數較過去100日同時段平均大增23倍，成交金額逾1.7億元。
公司上市滿1年，意味上市前投資者嘅股份禁售期完結，市場似乎擔心呢批解禁股出籠，所以先沽為敬。據中央結算數據顯示，上周一(7日)有約8800萬股存入中金公司(03908)，數量同GenBridge持有嘅H股數目吻合，雖然十月稻田中期轉賺近1.3億元，但盈利能力可唔可以維持都係未知數，唔排除投資者先行沽貨離場。
此外，如果轉入中央結算呢批貨真係會沽出，唔排除十月稻田股價繼續跌，依家14天相對強弱指數(RSI)已跌到25，但超賣可以再超賣，投資者都係小心為上。
