【Now財經台】高盛指，美元上季偏軟後，走勢開始變得穩固，加上美國聯儲局暫時唔急於減息，而美國大選嘅不確定性亦令美元表現突出，美元強勢係咪已經確認？
ATFX亞太區首席分析師林銘添指，近期美國嘅就業及經濟數據都唔錯，令市場改變對減息嘅睇法，估計聯儲局年內會放慢減息步伐，12月有可能唔減息，間接為美元帶嚟支持。
Martin又話，美元強勢可唔可以持續，要留意歐洲央行議息結果及經濟狀況，因為會間接影響美元之後嘅走勢，佢估計，美匯指數喺103.5會有阻力，如果今個星期突破唔到呢個位，下周好大機會出現調整。
