【Now財經台】港股今日(14日)長假後復市，休市期間內地有唔少消息，包括內地6大國有銀行宣布調整存量房貸息，財政部亦開咗記者會。美國銀行策略師建議逢低買A股，預期會增加內地配置，而有「新興市場之父」之稱嘅麥樸思(Mark Mobius)亦同高盛一樣，押注內地救市政策可以提振新興市場股市，投資者應該點部署？
星展銀行(香港)豐盛私人客戶執行董事鄧威信表示，每當股市回調，投資者都可以考慮逢低吸納交到靚業績嘅股份，包括科技股及個別消費股，因為長線投資者入市時都會睇基本因素，揀業績好及盈利增長理想嘅股份。
Wilson建議，散戶可把握機會逢低吸納，現階段資金開始流入港股，但大市急升時，唔建議高追，反而等大市回套時，可以考慮買入有基本面因素配合嘅股份。
