【Now財經台】據外電報道，零跑汽車(09863)有兩款電動車喺歐洲上市，已開始接受預訂，其中，T03售價1.89萬歐元起，已經喺上月底上市，C10 SUV售價3.64萬歐元起，預期10月底上市。零跑剛進軍歐洲市場，但歐盟亦喺呢個時候落實加中國電動車關稅，對零跑進軍歐洲有咩影響？
艾德金融執行董事陳政深表示，內地電動車「內捲」情況嚴重，吉利汽車(00175)最新款電動車售價僅7萬人仔，所以零跑要打入歐洲市場要另尋出路。佢又話，大股東斯特蘭蒂斯(Stellantis)旗下唔係太多品牌研發電動車，所以零跑係集團發展電動車嘅主要橋樑。
Ryan又話，對零跑嚟講，依家最大變數係歐洲加關稅，雖然依家未知零跑要畀幾多關稅，但長遠嚟講，零跑要將生產線擺喺歐洲先可以避開關稅。
