【Now財經台】摩根大通(美股:JPM)、美國銀行(美股:BAC)、富國銀行(美股:WFC)、花旗集團(美股:C)4家銀行今年股價表現都唔算失禮，暫時全部錄得雙位數升幅，其中，摩通及富國股價表現更跑贏標普500指數，美國銀行股後市係咪仍然樂觀？
資深經濟分析師羅家聰表示，摩通股價跟得標指比較貼，但其他銀行股表現就較差，其中，富國及花旗股價喺第2季早段升得唔錯，但之後開始落後，到咗7月、8月，市場認為美國聯儲局好大機會減息，消息不利銀行股，美國銀行股就集體跑輸大市。銀行業表現係同經濟掛鈎，若經濟出咗問題，就會拖累銀行業表現轉差。
