【Now財經台】市場原本憧憬發改委周二(8日)召開會議會接力推出財政刺激政策，但最終願望落空，只係通報之前部署嘅一攬子政策，並釋出較明確嘅增量政策訊息，即提前下達「兩個1000億」，以及明年繼續發行超長期特別國債兩個訊息，但未有再出招，觸發周二嘅大跌市，市場係唔係對政策憧憬過分樂觀？
資深銀行家王浵世表示，相對於宏觀層面，佢較著重政策能帶嚟嘅微觀影響，依家市場投資意欲及信心低迷，政策成效嘅關鍵在於能夠刺激市場嘅投資信心及意欲。
佢又話，最近市場氣氛由政策主導，但中央推出嘅政策，目的在於穩定市場，而政府推出措施亦講求按步就班，唔適宜因盲目憧憬政策而入市。
