【Now財經台】中央再出手救市，繼昨日(9日)預告財政部周六(12日)開記者會，到時會講加大財政政策調節力度，今朝(10日)輪到人民銀行接力出招，宣布推出證券、基金、保險公司互換便利(SFISF)，首期操作規模5000億人仔，希望托返起個市，不過，A股今早似乎冇乜反應，滬深幾大指數仍向下。
上證綜合指數最新報3249點，跌9點或0.2%。
滬深300指數最新報3941點，跌14點或0.3%。
深證成分指數最新報10385點，跌172點或1.6%。
創業板指數 最新報2199點，跌80點或3.5%。
到底係措施冇作用，還是投資者想等埋明日財政部記招，睇下有冇料到再做部署，都可以留意住。
