【Now財經台】新西蘭央行一如預期減息0.5厘，已連續兩次會議減息，符合市場預期，但紐元仍顯著下跌。另一方面，澳洲央行人仍未開始減息，市場估計，可能要等到明年2月，澳元兌紐元係咪好大機會可再挑戰1.11水平？
東亞銀行財富管理部高級投資策略師黃燕娥表示，澳元兌紐元交叉盤上返1.11水平只係時間問題，紐西蘭央行未來減息步伐只會加快，但澳洲央行減息意向相對細好多。
佢又提醒，澳元及紐元都係商品貨幣，前者喺貨幣政策及鐵礦石價格支持下，相信走勢會較好，但後者就相對睇淡少少，令澳元兌紐元交叉盤中長線繼續睇升。
