【Now財經台】截至早上11時止，1小時內《彭博》用戶搜尋量最多港股，依次為中國宏橋(01378)、紫金礦業(02899)、中國石油股份(00857)、中國銀河(06881)及永利澳門(01128)。
券商股中國銀河昨日(8日)急瀉逾30%，而A股昨日(8日)漲停後，今日就轉跌，過往內地真正嘅牛市，券商股一般最少連續兩三日漲停，用券商股作為股市指標，可以點樣分析後市？
資深證券分析師彭偉新指，要判斷升市係咪牛市開始，首先成交量要持續止升，其次係龍頭股要維持升勢，依家券商股升咗1日後，內地有公司高層開始減持股份，中國銀河亦有股東大手減持，令市場對今次升市係咪牛市有懷疑，目前仍然要更多資訊先知係咪牛市嘅開始，佢建議，如果投資者近期高追咗，要做好止蝕部署，再留意後市有冇正面訊息。
